15/5/12

Oitenta e nove mil primaveras(para Paz Andrade)




Achegamos aquí unha biografía cantada arredor da figura de Valentín Paz Andrade, a figura homenaxeada este ano nas Letras Galegas. Home comprometido, traballador, visionario, galeguista e ilustrado, soubo combinar pensamento e acción para facer de Galicia un lugar mellor en tempos moi difíciles para a liberdade e a xustiza. Docencia, estudo, avogacía, economía, xornalismo, poesía, ensaio político, ligado tamén ao mundo empresarial... A figura de Valentín Paz Andrade constitúe un exemplo senlleiro para toda a cidadanía e tamén para as nenas e nenos que nacen devagariño, ao mundo. A escola debe poñer en valor e dar a coñecer as figuras que se significaron en vida no eido da cultura(e non só), pois o descoñecemento só acostuma traer indiferenza e desprezo.
O canto é oralidade(nalgún lugar da Odisea, di Homero por Ulises que os deuses tecen desventuras para que as xeracións futuras non lles falten tristuras que cantar), o canto é lingua; vencellar a lingua a experiencias agradabeis debera conducir a unha actitude positiva cara o uso e o coñecemento da mesma.

O título da canción é unha homenaxe implícita aos oitenta e nove anos de vida de Valentín e tamén ao epitafio de Cunqueiro.
Talvez non sexa fútil lembrar o estribillo da mesma: "rapaces, mirade! Onde pode chegar...? Un pensamento con ganas de soñar..."

Pois iso.








Nenas e nenos, no Recuncho dos Barrantiños tedes a vosa disposición as actividades que o Seminario Galán deseñou para aprender e disfrutar coa figura do Valentín. Premede aquí

9 comentarios:

  1. Bo día, son Conchi. Fantástico!!!! Aquí a todos nos encantou, moitos parabéns a ti e aos rapaces, a canción está xenial!
    Saudiña!

    ResponderEliminar
  2. Moitas grazas! Malia que esta aplicación anula os recortes das fotos e desconfigúranse os tipos de letra. Malia todo, o básico: os traballos d@s nen@s e as súas voces(tal e como lles saíu) reflicten o que hai: esforzo e ganas de aprender, malia os erros e as dificultades.

    Saúdos a tod@s!!

    ResponderEliminar
  3. Noraboa pola actividade! É moi estimulante coñecer os traballos que se realizan noutros centros. Aínda que nós somos un IES, gústanos publicitar este tipo de traballos entre o noso alumnado; por iso comunícovos que dentro duns días colgaremos no blogue do EDLG a vosa biografía cantada. Espero que nos deades permiso!
    E de novo, parabens!!

    ResponderEliminar
  4. Moitísimas grazas polos vosos pulos. Ao alumnado gustaralle saber que en Ourense cantan a súa canción( e tamén ao profesorado!)
    O permiso? Faltaría máis...

    ResponderEliminar
  5. VIVAMOS COMO OS GALEGOOOOOOOOOOOOOOOOOOOOOOOOOS!!!!!

    ResponderEliminar
  6. É fantastico. Co voso permiso dende un IES do interior iniciaremos a nosa´celebración (xa sabemos que con retraso) coa vosa canción. Gracias rapaces.

    ResponderEliminar
    Respuestas
    1. Que ilusión nos fai!! Parece que pegou forte o "hit" en Ourense!

      Moita sorte coa canción. Se hai alguén que lle dea coa guitarra os acordes son estes: RE, SOL, LA + RE RE7 LA LA7 RE, máis ou menos, se hai algún músico non terá problema... Moitas grazas!!

      Eliminar
  7. É fantastico. Co voso permiso dende un IES do interior iniciaremos a nosa´celebración (xa sabemos que con retraso) coa vosa canción. Gracias rapaces.

    ResponderEliminar