Ruxiu Barrantes cos Ruxe-Ruxe!!

Finalmente, recibimos a visita de Torroncho Díaz(baixo) e Miguel Duarte(guitarra solista) do grupo Ruxe Ruxe. A expectación entre o alumnado superou as previsións e a retransmisión en directo da entrevista tamén.Para escoitala outra vez, clica aquí:


 Malia algúns problemas técnicos, finalmente puido escoitarse e foi todo un éxito. O alumnado que non participou directamente na entrevista e, a través da canle interna de megafonía do centro e nalgúns ordenadores, non perdeu detalle das impresións dos músicos e das atinadas e incisivas preguntas das reporteiras e reporteiros de Irradio Lingua para a ocasión. Aquí vos achegamos un vídeo da entrevista na emisora e outro da actuación posterior. Graciñas aos Ruxe-Ruxe pola súa colaboración e a súa xenerosidade!!

Estamos a preparar a visita dos Ruxe-Ruxe

A visita dalgúns dos compoñentes do grupo santiagués de rock Ruxe-Ruxe(son de Aríns!!)está a provocar grande expectación na nosa escola. Polo momento, deixamos uns vídeos de promoción, pois descubrimos que o grupo ten membros moito máis novos aínda. Alumn@s da escola faranlles unha entrevista radiofónica en directo a través de Irradio Lingua, e para iso toda a xente que queira escoitar a entrevista poderá facelo a través de www.spreaker.com/user/irradiolingua, este xoves a partires das doce menos cuarto(aproximadamente, pois a radio nin é ciencia nin é exacta)








Para ver algúns vídeos dos Ruxe-Ruxe e saber máis, non o pensedes, premede aquí:

http://www.ruxeruxe.com/

http://cortelho.blogaliza.org/

http://www.youtube.com/watch?v=jDA9de9VSOU

http://www.youtube.com/watch?v=Ygt1Sv2HOLY

http://www.youtube.com/watch?v=ORrZJhyEgI0&feature=related

http://www.youtube.com/watch?v=2n0juqpyUSw

Iniciouse o Falador de soños!!

Outra das actividades contidas no proxecto de Irradio Lingua é o Falador de Soños. Algo estimulante e que acostuma motivar o alumnado é o feito de poder expresar visións ou inquedanzas relacionadas coa súa experiencia. As visións oníricas, que Sócrates atribuía ao lume interior que se axitaba polos movementos da cabeza e a influenza das pálpebras, constitúen unha fonte de certo valor pedagóxico, pois ben aproveitadas poden constituír o punto de partida para construír un texto, unha historia e mesmo unha canción. Instalamos con dificuldade o Falador de Soños, coa porta que se converte en lingua, e iniciamos as gravacións. Iremos poñendo de paseniño os soños d@s nos@s protagonistas e vendo en que deron. Aquí vos deixamos o primeiro feixe:


E xa no interior da máquina...

Arxentina, Uruguay e Galicia: viaxe de ida e de volta

"Non hai mellor norma de comportamento que o coñecemento do pasado" Tácito

No primeiro trimestre recibimos na escola de Barrantes ao avó arxentino de Pedro acompañado da nai(súa filla) dun alumno do primeiro ciclo. Chegou cunha sorpresa: o Gaucho Barrales, un monicreque que fixo el mesmo, e co que nos explicou a súa vida na Arxentina e as circunstancias que lle fixeron percorrer máis de dez mil quilómetros e deixarArxentina para se instalar en Galicia.

Hai uns días recibimos a visita de Camilo, de setenta e catro anos, avó de Lucía, outra alumna do primeiro ciclo que nos fixo o relato da súa experiencia na emigración no Uruguay, en Montevideo, onde estivo a traballar dez anos para xuntar cartos e poder casar con Florinda, a avoa de Lucía. Contounos a súa viaxe en barco para cruzar o Atlántico, as súas viaxes en bici por todo Montevideo, e moitas cousas máis, antes de volver definitivamente a Barrantes.


A conexión entre Sudamérica e Galicia a través das experiencias dos maiores do alumnado debera permitir un maior coñecemento do entorno no que se está a desenvolver. A competencia lingüística inclúe non só o falar, senón saber que falar, como falar e cando, así como SABER ESCOITAR, para poder formular pensamentos e reflexións que lle axuden a nena e o neno a interactuar mellor . A competencia social e cidadá promóvese tamén a través do contacto interxeracional. O pasado danos pistas tamén do que permanece, daquelo que nos define como individuos e como sociedade...


Graciñas aos dous pola súa xenerosidade a a súa paciencia!!

Deixa que o Entroido entre en ti!!

Aquí vos achegamos un resumo do Entroido que vimos de celebrar na escola. Ademais de Irradio Lingua, polo cal nos disfrazamos de personaxes da literatura de Álvaro Cunqueiro, o alumnado tamén se disfrazou de obras de arte, árbores, fadas, xoaniñas...Mesturando elementos de Voz Natura e Cooperarte, os outros dous proxectos que articulan a actividade da escola. Este foi o resultado:

Unha mensaxe de Paz

Aquí vos achegamos unha das propostas pacíficas que resoou na nosa escola o pasado mércores, unha espectacular montaxe musical de vídeo, protagonizada polo alumnado da escola, na celebración do Dia Internacional da Paz, cunha letra da que axiña se apropiaron as nenas e nenos da escola(e tamén @s mestr@s!) No blogue-recuncho dos Barrantiños www.recunchobarrantes.blogspot.com tedes máis iniciativas que se desenvolveron na escola neste día:




Parabens ás responsábeis da iniciativa, e ao alumnado da escola, deixándose pacíficamente a pel unha vez máis!

Bola extra: O apalpador e "Kandinsky e Cunqueiro no Foghete"

A continuación deixámosvos dúas pezas  que non entraron no Volume I de Irradio Lingua porque se celebraron os dous últimos días do primeiro trimestre. Trátase da visita do Apalpador, coa que puideron disfrutar do grande tod@s @s nen@s da escola( e tamén o profesorado), e doutra banda o conto cantado titulado "Kandinsky e Cunqueiro no Foghete", do que vos deixamos a letra aquí:

Estaba o Kandinsky dentro dun bar en Barrantes,
era no Foguete nun bar daqueles de antes,
pintaba o Cunqueiro fumando dentro dun cadro,
logo o cadro ardía coa cinza daquel cigarro,
Sácame de aquí, non ves que me estou queimando?!
Toma un vaso de viño, eu só estaba pintando!
Cunqueiro non pode arder!!
Porque nós ímolo ler!!

Cunqueiro non pode arder, escoita Kandinsky deberialo saber!

Saíron os dous xuntos, fóra do Foguete,
e viron un corvo nun paraugas de xoguete,
a chuvia chegou e levounos o vento,
e dixo o Cunqueiro: son rei do meu pensamento!
Pepe de Cobián, dacabalo dun chimpín,
un elefante rosa voando onda min...

Moi grande é o mundo de dios!
E o corvo dixo: si, ho!!

Moi grande é o mundo de dios, pero todo colle na miña imaxinación!!

Kandinsky e cunqueiro no foguete

View another webinar from Loisperez

Aquí vos deixamos un par de vídeos do proceso: